“БАРААНЫ ТЭМДГИЙН ХУУЛИЙН ТУХАЙ СИНГАПУРЫН ГЭРЭЭ”-НД

 МОНГОЛ УЛС НЭГДЭН ОРСОНЫГ СОЁРХОН БАТЛАХ ТУХАЙ ХУУЛИЙН

 ТӨСЛИЙГ ХЭЛЭЛЦСЭН ТУХАЙ АЮУЛГҮЙ БАЙДАЛ, ГАДААД БОДЛОГЫН

                       БАЙНГЫН ХОРООНЫ САНАЛ, ДҮГНЭЛТ

2010 оны 6 дугаар                                                                                                   Улаанбаатар

сарын  8–ны өдөр                                                                                                           хот

                                                                                                 Илтгэгч нь:   Улсын Их Хурлын

                                                                                                          гишүүн  О.Чулуунбат

            Улсын Их Хурлын дарга, эрхэм гишүүд ээ,

2010 оны 4 дүгээр сарын 20-ны өдөр Аюулгүй байдал, гадаад бодлогын байнгын хороогоор урьдчилан зөвшилцсөн “Барааны тэмдгийн хуулийн тухай Сингапурын гэрээ”-нд Монгол Улс нэгдэн орсоныг соёрхон батлах тухай хуулийн төслийг Монгол Улсын Засгийн газраас 2010 оны 6 дугаар сарын 3-ны өдөр Улсын Их Хуралд өргөн мэдүүлснийг Аюулгүй байдал, гадаад бодлогын байнгын хороо 2010 оны 6 дугаар сарын 8-ны өдрийн хуралдаанаараа хэлэлцлээ.

Монгол Улсын Их Хурлын чуулганы хуралдааны дэгийн тухай хуулийн 29.1.1-д Олон улсын олон талт гэрээг соёрхон батлах гэж заасны дагуу “Барааны тэмдгийн хуулийн тухай Сингапурын гэрээ”-нд Монгол Улс нэгдэн орсоныг соёрхон батлах тухай хуулийн төслийг  Байнгын хорооны хуралдаанд оролцсон гишүүдийн олонхийн саналаар соёрхон батлах  нь зүйтэй гэж үзлээ.

Улсын Их Хурлын эрхэм гишүүд ээ,

“Барааны тэмдгийн хуулийн тухай Сингапурын гэрээ”-нд Монгол Улс нэгдэн орсоныг соёрхон батлах тухай хуулийн төслийн талаар Аюулгүй байдал, гадаад бодлогын байнгын хорооноос гаргасан санал, дүгнэлтийг хэлэлцэн шийдвэрлэж өгөхийг Та бүхнээс хүсье.

Анхаарал тавьсанд баярлалаа.

          АЮУЛГҮЙ БАЙДАЛ, ГАДААД

          БОДЛОГЫН БАЙНГЫН

          ХОРООНЫ ДАРГА                                                                З.ЭНХБОЛД