Цэс

Холбоо барих

Малын генетик нөөцийн тухай хуулийн төслийн дэд ажлын хэсгийн хуралдааны тойм 2017.04.19

 

Малын генетик нөөцийн тухай хуулийн төслийг хэлэлцүүлэгт

бэлтгэх үүрэг бүхий ажлын дэд хэсгийн

хуралдааны тойм /2017.04.19/

            Байгаль орчин, хүнс, хөдөө аж ахуйн байнгын хорооны 2017 оны 01 дүгээр сарын 31-ний өдрийн 03 дугаар тогтоолоор байгуулагдсан Малын генетик нөөцийн тухай хуулийн төслийг Улсын Их Хурлын чуулганы болон Байнгын хорооны хэлэлцүүлэгт бэлтгэх үүрэг бүхий ажлын дэд хэсгийн хурал 2017 оны 4 дүгээр сарын 19-ний өдрийн 09.00 цагт Төрийн ордны Нээлттэй сонсголын танхимд хуралдав.

            Хуралдаанд ажлын дэд хэсгийн гишүүд болох Хүнс, хөдөө аж ахуй, хөнгөн үйлдвэрийн яамны Төрийн захиргаа удирдлагын газрын Хуулийн хэлтсийн дарга Б.Батцэцэг, Мал аж ахуйн салбарын бодлогын эрх зүйн асуудал хариуцсан хуульч Р.Өнөрсайхан, Засгийн газрын хэрэгжүүлэгч агентлаг Мал эмнэлэг, үржлийн газрын Мал үржлийн хэлтсийн дарга Д.Батсүрэн, Малын удмын сангийн үндэсний төвийн үйлдвэрлэлийн технологийн албаны дарга Я.Оюунбилэг, Бодлого судлалын төвийн хөдөөгийн хөгжлийн зөвлөх, доктор Б.Эрдэнэбаатар, Норвегийн Амьдралын шинжлэх ухааны Их сургуулийн эрдэм шинжилгээний ажилтан, доктор Б.Найданхүү, Байнгын хорооны ажлын албаны зөвлөх Б.Мөнхцэцэг, референт Ц.Рэнцэнтогтох нар оролцлоо.

            Хуралдаанаар хуулийн төслийн маргаантай асуудлуудыг үргэлжлүүлэн хэлэлцэж саналаа нэгтгэн, төсөлд тусгаж болох хувилбаруудыг боловсруулан ажиллаа.

Хуралдаан 12.00 цагт өндөрлөв.

БАЙНГЫН ХОРООНЫ АЖЛЫН АЛБА

Хуваалцах:

Холбоотой мэдээлэл